Sakataren harkokin wajen kasar Amurka John Kerry ya zanta ta wayar tarho da ministan harkokin wajen kasar Rasha Sergei Lavrov a jiya Laraba game da halin da ake ciki a birnin Aleppo na kasar Syria.

Yayin zantawar tasu, Mr. Lavrov ya bayyana cewa, dakaru masu adawa da gwamnatin Syria sun ki amincewa su tsagaita bude wuta, don haka Rasha ta kalubalanci Amurka yi matsin lamba ga dakarun da take goyon baya.

A nasa bangare, Kerry ya zargi sojojin gwamnatin Syria da gurgunta yarjejeniyar tsagaita bude wuta a Aleppo, kana ya jaddada bukatar dakatar da zubar jini ta hanyar tsagaita bude wuta. (Zainab)