Rahoton ya ce, fitar 'yan tawayen ya biyo bayan yarjejeniyar da aka kulla na kyale su, su fice daga yankunan dake karkashin ikonsu a gabashin birnin Aleppo zuwa yammacin birnin.
Za a kwashe Wani adadin 'yan tawayen da ba a bayyana ba daga birnin Aleppo, inda za a bi da su ta hanyar al-Ramuseh zuwa yankin Rashidien, hanya daya kenan da a yanzu ake amfani da ita wajen shiga da fita daga birnin na Aleppo.
Fararaen hulka dai, na da damar ci gaba da zama a yankunansu.
Ana sa ran nan ba da dadewa ba, babban kwamandan rundunar sojin Syria zai bayyana matsayar Syria a hukumance game da al'amarin na Aleppo.(Faeza Mustapha)
