A jiya Talata cibiyar masana ta Sin da kasashen duniya wato CCG ta gabatar da rahoton kamfanonin Sin dake shiga duniya na shekarar 2016 a nan birnin Beijing, inda ake ganin cewa, an shiga lokaci mai kyau na zuba jari da kamfanonin Sin suka yi a kasashen waje, ra'ayin hana raya tsarin bai daya na duniya ba zai yi tasiri ga bunkasuwar kamfanoni a fadin duniya ba.

Rahoton ya bayyana cewa, tun daga shekarar 2005, yawan jarin da Sin ta zuba a kasashen waje kai tsaye yana karuwa a shekaru 10 a jere, yawansa a shekarar 2015 ya kai dala biliyan 145.67.

Rahoton ya yi bincike game da makomar tattalin arzikin kasashen da aka zuba jari bisa shirin "Ziri daya da hanya daya", kashi 73 cikin dari na kamfanonin da aka yi bincike sun nuna kyakkyawar fata, a cikinsu kashi 44 cikin dari suna shirin fadada zuba jari. (Zainab)