Kamfanin Star Times ya daddale yarjejeniyar hadin gwiwa tare da hukumar wasan kwallon kafa ta Ghana
Kamfanin mai zaman kansa na kasar Sin na Star Times ya daddale yarjejeniyar hadin gwiwa tare da hukumar wasan kwallon kafa ta kasar Ghana a jiya Laraba a nan birnin Beijing.
Bisa yarjejeniyar, kamfanin Star Times zai samu iznin tsara shirye-shirye da watsa shirye-shirye game da gasar wasannin kwallon kafa na kasar Ghana a tashar telebijin, da gidan rediyo, da yanar gizo a shekaru 10 masu zuwa. Kamfanin zai kara zuba jari ga tsara shirye-shirye kan gasar wasannin kwallon kafa na Ghana tare da sa kaimi ga yin hadin gwiwa a tsakanin Sin da Afirka a fannin wasanni. (Zainab)
