Shugaban kasar Sin Xi Jinping, ya gana da takwaransa na kasar Philippines mista Rodrigo Duterte, a yau Alhamis a nan birnin Beijing, hedkwatar kasar Sin.

Yayin ganawarsu, shugabannin 2 sun cimma ra'ayi daya kan burin da aka sanya gaba, na neman ciyar da huldar dake tsakanin kasashen 2 gaba, ta yadda za a iya kara amfanawa jama'ar bangarorin 2.

Bayan ganawar da suka yi, shugabannin 2 sun gane wa idanunsu sanya hannu kan yarjeniyoyin hadin gwiwa guda 13, wadanda suka shafi cinikayya, da zuba jari, da bunkasa masana'antu, da aikin gona, da dai sauransu.(Bello Wang)