'Yan sandan birnin Austin sun wallafa a shafinsu na internet a jiya Lahadi cewa, an kai hari da bindiga a tsakiyar birnin a wannan rana da karfe 3 na safe, inda suka gargadi jama'a da kada su je tsakiyar birnin. Daga bisani bayan mituna talati, sai 'yan sandan suka sake sabunta bayanan da suka bayar cewa, al'amura sun dai-dai a wurin da aka kai harin.
Kafofin watsa labaru na wurin sun bayar da rahoton cewa, an kashe wata mace a sakamakon harin, yayin da mutane da dama suka ji rauni. Har yanzu dai ba a san asalin maharin da kuma dalilinsa na kai harin ba.
A ranar 7 ga watan Yuli ma, an taba kaiwa 'yan sanda a birnin Dallas dake jihar Texas rin wannan hari, wanda ya haddasa mutuwar 'yan sanda 5, yayin da wasu'yan sanda 7 suka ji rauni. (Zainab)