Ministan harkokin wajen kasar Sin Wang Yi ya bayyanawa 'yan jarida yayin da yake halartar taron masu shiga-tsakani kan sakamakon taron kolin Johannesburg na FOCAC yau a nan birnin Beijing cewa, taron na wannan karo ya zarce yadda aka zata a baya, ministoci da manyan jami'ai fiye da 100 daga kasashen Afirka ne suka halarci taron, wanda ya kasance gagarumin taro na hadin gwiwa a tsakanin Sin da Afirka. Wannan ya shaida cewa, sabon tunanin hadin gwiwar Sin da Afirka musamman shirye-shirye 10 na hadin gwiwa tsakanin sassan biyu da shugaban kasar Sin Xi Jinping ya gabatar a gun taron kolin Johannesburg na FOCAC sun dace da bukatun kasashen Afirka, wadanda suka samu karbuwa sosai a kasashen Afirka. (Zainab)