Tsohon shugaban ofishin kula da harkokin kasashen waje na ma'aikatar harkokin tsaron kasar Sin Qian Lihua ya bayyana cewa, sojojin kasar Sin za su taimakawa kasashen yammacin Afirka wajen tabbatar da tsaron zirga-zirgar jiragen ruwa a yankin tekun Guinea, a daidai lokacin da yankin ya ke fama da karuwar barazanar 'yan fashin teku.

Qian Lihua ya bayyana hakan ne yayin taron tabbatar da zaman lafiya da kwanciyar hankali a Afirka wanda ke gudana a birnin Lome. Ya kuma gabatar da wasu shawarwari kan yadda za a yaki 'yan fashi teku a yankin tekun Guinea.

Bugu da kari, ya ce kasar Sin za ta shiga a dama da ita a kokarin da kasashen duniya suke yi na yaki da 'yan fashin teku a yankin tekun Guinea, ta hanyar taimakawa kasashen da ke shiyyar wajen gina wasu muhimmman kayayyakin more.(Ibrahim)