Da safiyar yau Asabar jami'an 'yan sandan kasar Jamus sun fada cewa a kalla mutane 9 ne suka mutu, sannan wasu 16 suka samu raunuka a lokacin wani hari a birnin Munich a shiyyar kudancin Jamus da yammacin jiya Jumma'a, kana daga bisani maharin ya harbe kansa da kansa.
Jami'in 'yan sandan birnin Munich Hubertus Andrae, ya fada a taron manema labaru cewar an gano maharin dan shekaru 18 ne, kuma yana da takardun shedar zama dan kasashen Jamus da Iran, sannan yana zaune a Munich sama da shekaru biyu ke nan.
Andrae ya ce uku daga cikin wadanda suka samu raunuka suna cikin matsanancin hali, kuma daga cikin wadanda suka jikkata har da kananan yara.
Sai dai an gano maharin shi kadai ya kaddamar da harin. (Ahmad)
