A jiya Litinin ne, kwamitin kula da harkokin neman ci gaba da yin gyare-gyare na kasar Sin ya bayar da labari, cewar a tsakanin watan Janairu zuwa Mayun bana, yawan kudin shiga da manyan masana'antu 27 wadanda suke bunkasa sabbin sana'o'in zamani ya karu da kashi 11.5 cikin kashi dari.

Tun daga shekarar bara, salon bunkasa tattalin arzikin kasar Sin ya ragu, amma kusan dukkan masana'antun da suke bunkasa sabbin sana'o'in zamani sun samu ci gaba sosai. Sakamakon haka, sun zama muhimman ginshikai wajen tabbatar da samun ci gaban tattalin arziki da kyautata tsarin sana'o'in da kuma neman kirkiro wasu sabbin sana'o'in zamani. Alkaluman kididdiga na nuna cewa, yawan ribar da wadannan masana'antu 27 wadanda suke bunkasa sabbin sana'o'in zamani ke samu ya karu da kashi 15.9 cikin kashi dari a tsakanin watan Janairu zuwa Mayu na bana. (Sanusi Chen)