Wata tawaga mai karfi karkashin jagorancin ministan harkokin wajen kasar Saliyo Samura Kamara tana shirin ganawa da mahukuntan Najeriya, domin lalubo hanyoyin ceto jami'in diplomasiyar kasar ta Saliyo Claude Nelson-Williams da wasu 'yan bindiga suka yi awon gaba da shi.

Ministan watsa labarai na kasar Saliyo Mohamed Bangura ya shaidawa manema labarai cewa, a jiya ne tawagar ta bar kasar zuwa kasar ta Najeriya.

A makon da ya gabata ne dai aka sace Nelson –Williams a kan hanyarsa ta zuwa Kaduna daga Abuja domin halartar bikin faretin yaye sojoji.(Ibrahim)