Yanzu haka malaman makarantu a kasar Senegal sun dakatar da yajin aikin da suka tsunduma a ciki,sakamakon rashin jituwar da ta kunno kai tsakanin gwamnati da kungiyoyin malaman kasar.

Kungiyoyin dai sun amince su dakatar da yajin aikin ne,bayan da shugabanin addinai a kasar suka shiga tsakani.

Tun a cikin watanni hudun da suka gabata ne, aka fara samun takun-saka a bangaren Ilimin kasar sakamakon gazawar gwamnati na cika alkawarin da ta yiwa malaman na biyansu albashi da kudadensu na alawus-alawus.(Ibrahim)