Firaministan kasar Senegal Mohamed Dionne ya bayyana cewa, babban kalubalen da kasashen da ke yankin Sahel suke fuskanta, shi ne tsaro, baya ga kalubaloli na matsalar canjin yanayi da kuma muhalli.

Firaministan ya bayyana hakan ne lokacin da ya ke jawabi a bikin bude taron ministoci ne na kasashen sashen gabashi da yammacin Afirka game da yaki da hamada karo na 5 da ya gudana a Dakar na kasar Senegal.

A cewarsa, matsalar tsaron tana haifar da karuwar ayyukan ta'addanci, lamarin da ke shafar galibin kasashen da ke yankin na Sahel.(Ibrahim)