Kwamitin kula da manufofin kudi na babban bankin Najeriya ya umarci hukumar gudanarwar bankin da ta bullo da wani tsarin musayar kudi mai sassauci tsakanin bankunan kasar.
Gwamnan babban bankin Najeriya Godwin Emefele ne ya bayyana hakan jiya Talata, lokacin da ya ke jawabi ga manema labarai jim kadan bayan kammala taron yini biyu da kwamitin manufofin kudi na bankin MPC ya gudanar a hedkwatar babban bankin da ke Abuja, fadar mulkin Najeriya.(The Punch)
A yau Laraba ne gwamnatin tarayyar Najeriya, za ta koma teburin sulhu da kungiyar kwadagon kasar bangaren Ayuba Wabba, sakamako janye yajin aikin kasa baki daya da suka shirya gudanarwa, domin tilastawa gwamnati janye karin farashin man fetur din da ta yi.(Vanguard)
