Kwanan baya, shugaban kasar Sin Xi Jinping ya ba da wani umurni, wanda ke jaddada cewa, gudanar da harkokin kasa yadda ya kamata na dogaro ne kan yadda ake raya harkokin jam'iyyar Kwaminis ta kasar, da kuma karfin takara na kwararru.
Ya ce a hakika, karfin takarar kasa ya dogara ne bisa karfin horo na kwararrun ta. Saboda haka, ya kamata a kara daukar matakan tabbatar da ayyukan kwaskwarima game da tsarin horas da kwararru, da nufin kafa wani tsari mai karfi wanda kuma zai kansance daya daga cikin wadanda suka fi kyau a duniya. (Bilkisu)
