Shugaban Turkiya ya yi kira ga kasashen musulmi da su hada kai don yakar ta'addanci
A yau Alhamis, an bude taron shugabannin na majalisar koli ta addinin musulunci ta duniya wato OIC karo na 13 a birnin Istanbul na kasar Turkiya.
A yayin taron, wanda za a shafe kwanaki biyu ana gudanarwa, shugaban kasar Turkiya Recep Tayyip Erdoğan ya gabatar da jawabi inda ya bayyana cewa, kamata ya yi kasashen musulmi su hada kai ba tare da samun Baraka ba. Sannan ya sanar da cewa, za a kafa wata Cibiyar hadin gwiwar addinin musulunci da jami'an 'yan sanda a Istanbul, don yaki da ta'addanci yadda ya kamata. (Bilkisu)
