Shugaban kasar Nigeriya Muhammadu Buhari a ranar Jumma'an nan ya jagoranci karamar tawaga zuwa kasar Masar domin halartar taron kasuwanci a Afrika, Masar da Duniya da za'a fara a garin Sharm El Sheikh a ranar Asabar din nan.
Kamar yadda fadar shugaban kasar ta bayyana a cikin sanarwar da ta fitar, ana sa ran shugaba Buhari zai yi jawabi a wajen taron, sannan zai yi amfani da damar wajen tattaunawa da sauran shugabannin kasashen Afrika a kan hanyar da za a bi wajen neman ci gaba a nahiyar. (Fatimah)
