Sojojin rundunar kasar Chadi da aka tura kasashen Nijeriya da Nijar, kasashe biyu dake makwabtaka da juna, domin yaki da kungiyar Boko Haram, za su koma gida a ranar Jumma'a, in ji ministan sadarwan Chadi, kuma kakakin gwamnati, Hassan Sylla Bakari a ranar Laraba.

Mista Sylla Bakari ya yi kira ga dukkan 'yan kasar Chadi baki daya da su fito kwansu da kwalkwata domin tarbon sojojin da suka kammala aikinsu. A ranar 7 ga watan Nuwamba, sojojin Chadi da aka tura a kasar Kamaru, bisa irin wannan dalili na yaki da Boko Haram, an yi musu babban tarbo a matsayin manyan jaruman kasa a birnin N'Djamena. (Maman Ada)