Majalisar gudanarwar kasar Sin, ta amince da kara dala biliyan biyu cikin asusun raya Sin da Afirka wato CAD, adadin da yanzu haka ya karu zuwa dala biliyan 5.

Asusun na CAD ne ya bayyana hakan cikin wata sanarwa da ya fitar a jiya Laraba.

Wannan yana daya daga cikin matakai 8 da gwamnatin kasar Sin ta sanar a gun taron kolin dandalin tattaunawar hadin gwiwa a tsakanin Sin da Afirka wato FOCAC a shekarar 2006 da ya gudana a birnin Beijing.

Wannan mataki na nuna cewa, an kara yawan kudin da ake yi amfani a asusun CAD sau uku kafin bude taron kolin FOCAC na Johannesburg, lamarin da ke nuna cewa, zuba jari a nahiyar Afirka yana da matukar ma'ana ga hadin gwiwa a tsakanin Sin da Afirka, kana ya alamta cewa, asusun CAD yana bunkasa cikin sauri a harkokin dandalin zuba jari da tattara kudi na Sin da kasashen Afirka. Bayan da aka kammala samar da kudi ga asusun a karo 3, hakan zai kara karfin zuba jari ga Afirka, da nuna goyon baya ga kamfanonin Sin ta yadda za su raya ayyukansu a kasashen Afirka. (Zainab)