Firaministan kasar Turkiya Ahmet Davutoglu ya bayyana cewa, gawar matukin jirgin saman yakin kasar Rasha da aka harbo ta iso Turkiya kuma nan gaba kadan za a mika ta ga kasar Rasha.
Mr Davutoglu wanda ya sanar da hakan a jiya Lahadi kafin ya tashi zuwa taron kolin kungiyar tarayyar Turai da Turkiya, ya ce, za a adana gawar bisa darikar Orthodox kafin a mika ta ga kasar Rasha.
A ranar Talatar da ta gabata ce jiragen yakin kasar Turkiya kirar F-16s suka harbo jirgin yakin na Rasha bisa zargin keta sararin saman kasar.(Ibrahim)
