Xi Jinping ya bayyana cewa, warware matsalar Palesdinu daga dukkan fannoni cikin adalci, ya dace da moriyar jama'ar Palesdinu da ma ta sauran kasashen dake yankin, kana zai sa kaimi ga samun zaman lafiya da lumana a duniya. Ya ce kamata ya yi a warware matsalar Palesdinu ta hanyar gudanar da shawarwari cikin lumana.
Xi Jinping ya jaddada cewa, Sin tana goyon bayan shiga-tsakani wajen shimfida yanayin zaman lafiya a tsakanin Palesdinu da Isra'ila. Kaza lika kasar na fatan ci gaba da kokari tare da kasa da kasa, wajen cimma burin samun zaman lafiya mai dorewa a dukkan fannoni a yankin gabas ta tsakiya kuma cikin hanzari. (Zainab)
