A yau Jumm'a 6 ga wata, shugaban kasar Sin Xi Jinping da Uwargidan sa Peng Liyuan suka isa kasar Singapore domin fara ziyarar aiki ta yini biyu bisa gayyatar takwaransa Tony Tan Keng Yam.

Wannan shi ne ziyarar farko ta shugaba Xi a matsayinsa na shugaban kasar Sin kuma shi ne shugaban kasa na farko da ya isa kasar Singapore tun bayan babban zaben kasar a ranar 11 ga watan Satumba.

A lokacin ziyarar tasa, shugaba Xi Jingping zai gana da takwaransa shugaba Tan Keng Yam da kuma firaministan kasar Lee Hsien Loong a hukumance sannan kuma zai halarci liyafar da shugaba Tan zai shirya masa. (Bilkisu)