Ministan harkokin wajen kasar Sin Wang Yi, ya gana da takwaran sa na kasar Kamaru Pierre Moukoko Mbonjo, wanda ya kawo ziyara nan kasar Sin.

Mr. Mbonjo ya iso nan kasar Sin ne domin shugabantar taron hadin gwiwar tattalin arziki da cinikayya tsakanin kasar Sin da Kamaru karo na 8, taron da ya gudana a nan birnin Beijing.

Yayin tattaunawar da ta wakana a jiya Talata, bangarorin biyu sun yi musayar ra'ayoyi game da dangantakar dake tsakaninsu, da batutuwan da suka shafi duniya, da na yankuna da suke maida hankali a kan su. (Zainab)