A dunkule 'yan ci rani 60 da zama ba bisa doka ba aka cafke a kudancin kasar Aljeriya a cikin wasu ayyukan farautar bakin haure da jami'an tsaron kasar suka gudanar a ranakun Asabar da Lahadi, in ji ministan tsaron kasar Aljeriya a ranar Litinin.
A ranar Lahadi, an kama 'yan ci rani takwas a garin Illizi da kuma uku a garin Adrar, wato a kudu maso gabashi da kuma kudu maso yammacin kasar. A jajibirin wannan rana, wasu 'yan ci rani 49 da ke zama a kasar ba bisa doka ba, da suka fito daga wasu kasashen Afrika daban daban da kuma aka cafke a garuruwan Tamanrasset, In Guezam da Bordj Badji Mokhtar dake kan iyakoki da kasashen Nijar da Mali. (Maman Ada)
