Ministocin kudi da shugabannin manyan bankunan G7 na maraba da sanya kudin Sin, Renminbi, cikin tsarin DTS na asusun bada lamuni na IMF, in ji a ranar Jumma'a ministan kudin Jamus Wolfgang Schaeuble. Akwai wata yarjejeniya, muna maraba da irin wannan kari bisa tsari, har dai irin wannan ya dace da matakan da aka tanada. Babu ja in ja kan wannan batu, in ji mista Schaeuble a yayin wani taron manema labarai a Dresde, birnin Saxe dake gabashi, bayan wani taron ministocin kudi da shugabannin manyan bankunan tsakiya na kasashe bakwai masu karfin tattalin arziki.

Shiga cikin tsarin manyan kudade na hada hada na DTS ya kasance wani muhimmin mataki domin ganin kudin Renminbi ya zama wani kudin ajiya na duniya.

A lokacin bazara, IMF za ta sake duba ma'aunin kudin da suka kunshi tsarin DTS, wanda yake kunshe a halin yanzu da dalar Amurka, Yen kudin Japan, Fan kudin Burtaniya da Euro kudin tarayyar Turai.

Haka ma a wannan wata, IMF ya sanar da cewa Renminbi ba ya cikin kudin din ba'a karya darajarsu ba, kuma kungiyar na maraba da raba da mukasudin kasar Sin dake da manufar shigar da Renminbi cikin tsarin DTS haka kuma tana son yin aiki a wannan hali tare da hukumomin kasar Sin. (Maman Ada)