A yammacin yau alhamis 7 ga wata, shugaban kasar Sin Xi Jinping ya isa Astana, babban birnin kasar Kazakhstan, zangon shi na farko a ziyarar da zai yi a kasashe uku a cikin kwanaki 6.

Wannan ne karo na biyu da shugaba Xi ya kai ziyara a kasar Kazakhstan bayan da ya hau kujerar shugaban kasar Sin. A watan Satumban shekarar 2013, shugaba Xi ya gabatar da shirin "hanya daya da ziri daya" karo na farko a yayin ziyararsa a Kazakhstan karo na farko, wanda ya samu karbuwa sosai daga kasashen dake dab da hanya da kuma zirin.

Bayan kammala ziyararsa a Kazakhstan, shugaba Xi zai wuce kasar Rasha, inda zai halarci bikin murnar cika shekaru 70 da samun nasarar yakin kiyaye kasar, daga nan kuma zai wuce kasar Belarus.(Fatima)