Shugaban kasar Sin Xi Jinping ya taya shugaba Faure Gnassingbe na kasar Togo murnar lashe zaben kasarsa, yana mai cewa, Sin na dora muhimmnacin gaske ga dangantakar dake tsakaninta da Togo, za kuma ta ci gaba da daukar dukkanin matakan da suka wajaba, na fadada nasarorin da suke samu tare.

Shugaba Xi wanda ya bayyana hakan cikin wani sako da ya aike ga shugaba Gnassingbe, ya ce, dangantakar Sin da Togo na da dogon tarihi, kana cikin 'yan shekarun nan ta haifar da fa'ida mai yawa ga bangarorin biyu, musamman ma a fannonin zuba zari, da hada-hadar cinikayya, da samar da ababen more rayuwa da kuma horas da ma'aikata. (Saminu)