Kakakin ma'aikatar harkokin wajen kasar ta Sin, mista Hong Lei, ya fidda wani sharhi game da rasuwar tsohon firaministan kasar Singapore Lee Kuan Yew, inda ya bayyana Lee Kuan Yew a matsayin mutumin da ya aza harsashin kafuwar huldar dake tsakanin kasashen Sin da Singapore, matakin da ya ba da gudunmowa sosai ga kokarin kyautata wannan hulda.

Saboda haka ne a cewar Mr. Hong kasar Sin ke matukar bakin ciki game da rasuwar mista Lee. Kaza lika a madadin al'ummar kasar Sin da gwamnati, Mr. Hong ya mika jaje na musamman ga gwamnati da jama'ar kasar Singapore, gami da iyalan marigayi Lee Kuan Yew. (Bello Wang)