Tun a ranar Juma'ar da ta gabata ne dai Gerrard mai shekaru 34 da haihuwa, ya bayyana aniyar sa ta barin Liverpool, bayan ya kwashe shekaru 25 ya na taka leda a kulaf din. Inda ya buga wasanni 695, ya kuma ci kwallaye 180.
Rahotanni daga wasu kafofin watsa labaru sun bayyana cewa, mai yiwuwa ne Gerrard na son bin sahun takwaransa David Beckham ne, wanda ya koma Los Angeles Galaxy daga Manchester United, a karshe karshen sana'ar sa ta kwallon kafa. (Saminu Alhassan)
