Shugabannin kasashen Guinee, Liberiya da Saliyo, kasashen da suka fama da annobar Ebola, sun cimma wani shirin hadin gwiwa domin yaki da cutar Ebola kuma sun dauki niyyar kara rubunya ayyukansu da daidaita kokarinsu.

Haka kuma za su bunkasa wani tsarin da zai shafi shiyyarsu baki daya da kuma bullo da wata hanyar dakatar da yaduwar wannan cuta, a cewar sanarwar hadin gwiwa da ta biyo karshen taronsu.

Darektar kungiyar kiwon lafiya ta duniya, madam Margaret Chan, da ta halarci wannan taro, ta jaddada cewa ya zama wajibi a dauki nagartattun matakai domin dakatar da yaduwar cutar Ebola a cikin sauran kasashen Afrika da ma duniya baki daya, ganin cewa kashi 70 cikin 100 na yaduwar wannan cuta na da nasaba da kai da kawo mutane a kan iyakoki ko kuma ta yin cudanya tsakanin al'ummomi. (Maman Ada)