Wani hadarin jirgin sama a Taiwan ya haifar da asarar rayuka 48, kuma wasu mutane 10 sun sami rauni.
Wata sanarwa daga hukumomin jirgin saman Trans-Asia, Flight GE 222, ta bayyana cewar, jirgin wanda ya tashi da mutane 58, a ranar Laraba ya fada a kan wasu gidajen jama'a, a yankin tsibirin Penghu, dake jihar Taiwan ta kasar Sin, bayan da kokarin saukar gaggawar da ya so ya yi, ya ci tura. (Suwaiba)
