in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Xi Jinping ya yi shawarwari tare da shugabar Koriya ta Kudu
2014-07-04 11:00:36 cri

Shugaban kasar Sin Xi Jinping ya yi shawarwari tare da shugabar kasar Koriya ta Kudu Park Geun-hye a birnin Seoul a ranar alhamis 3 ga wata, inda suka yaba wa hadin gwiwa a tsakanin kasashen biyu, da takaita kyawawan sakamakon da suka samu wajen raya dangantakarsu, da tsara shirin inganta hadin gwiwarsu a wannan sabon zamanin da ake ciki.

Haka kuma shugabannin biyu sun cimma daidaito kan fannoni daban daban, inda suka tsaida kudurin kara inganta dangantakar abokantaka ta hadin gwiwa bisa manyan tsare-tsare a tsakanin kasashen biyu, a kokarin samun bunkasuwa tare, da shimfida zaman lafiya a shiyya-shiyya tare, da farfado da Asiya tare, da kuma sa kaimi ga samun albarka a duk duniya baki daya.

A yammacin wannan rana, Madam Peng Liyuan, uwargidan shugaba Xi Jinping, ta kai ziyara a fadar Changdokkung da aka maida shi wurin adana kayayyakin al'adun gargajiya na tarihi da aka gada daga kaka da kakanni na duniya. A lokacin ziyarar, Madam Peng ta bayyana cewa, an dade ana sada zumunci tsakanin Sin da Koriya ta Kudu, don haka tana maraba da mutanen Koriya ta Kudu da ke sha'awar kawo ziyara. (Zainab)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China