Rahotanni na cewa, Najeriya ta kammala kimtsawa don karbar bakuncin taron dandalin tattalin arziki na kasa da kasa karo na farko da za a gudanar daga ranar 16 zuwa 18 ga watan Yulin wannan shekara a jihar Bayelsa mai arzkin man fetur.

Kwamishinan ciniki, masana'antu da harkokin zuba jari na jihar Barrister Kemela Okara ya bayyana cikin wata sanarwa cewa, taron zai samu halartar shugabannin 'yan kasuwa daga sassa daban-daban na duniya.

Okara ya ce, gwamnati na samar da yanayin da ya dace baya ga cikakken tsaro da kayayyakin more rayuwa ta yadda yankin zai iya janyo hankulan masu sha'awar zuba jari kamar Dubai.

Allah ya albarkaci jihar Bayelsa da gurbataccen mai da kuma gas. (Ibrahim)