Ministan ma'aikatar al'adu da yawon shakatawar Najeriya Edem Duke ne ya bayyana hakan a birnin Abuja, gabanin bikin kaddamar da fara jigilar fasinjoji daga Abuja zuwa birnin Nairobin kasar Kenya, wanda kamfanin jiragen saman kasar ta Kenya zai kaddamar.
Mr. Duke wanda ya jaddada muhimmancin harkar yawon shakatawa, ya ce hadin gwiwa da Kenya zai haifar da bunkasar harkokin cinikayya, ya kuma dace da manufar gwamnati mai ci, game da gudanar da sauye-sauye ga kudirorin ci gaban kasar. (Saminu Alhassan Usman)
