Gwamantin kasar Tanzania ta kai karar 'yan ta'adda guda 16 a ran 29 ga wata, inda ta zarge su da hannu a fashewar boma-bomai da suka haddasa mutuwar mutane da dama a birnin Arusha dake arewacin kasar cikin 'yan shekarun nan.

Yayin da Khalili Muda, mai gabatar da kara na gwamantin kasar ke karanta takardar tuhuma, ya ce, wadannan 'yan ta'adda sun taba kokarin kashe mutane ta hanyar kai hare-haren boma-bomai, bugu da kari, sun dauki mutane daga wurare daban daban a kasar don shigar da su cikin kungiyar ta'addanci ta al-Shabab daga shekarar 2010 zuwa watan Fabrairu na shekarar bana.

Wani jami'in hukumar binciken laifuffuka ta kasar Tanzania ya bayyana cewa, a halin yanzu, ana ci gaba da neman sauran 'yan ta'addan da suke da hannu a boma-bomai da suka fashe a birnin Arusha . (Maryam)