Ministan harkokin waje da dangantakar kasa da kasa na kasar Tanzania, Bernard Membe, ya karbi wannan kyauta da sunan shugaban kasar a birnin Washington.
African Leadership, mujalla ce dake maida hankali kan manyan kwararru, manyan jami'an gwamnatoci da kuma fitattun mutanen dake taka rawa wajen samun bunkasuwa a Afrika, Gabas ta Tsakiya, Asiya, Turai da Amurka.
Kyautar a kan ba da ta kowace shekara ga shugabannin kasashen Afrika da suka amsa sharudan zaman gwarzon shekara da mujallar ta tsada da suka shafi girmama tsarin mulki na gari, demokaradiyya da kuma 'yancin dan adam. (Maman Ada)
