Ma'aikatar harkokin wajen kasar Sham ta ce an saki rukunin ma'aikatan hukumar yaki da makamai masu guba ta OPCW, wadanda aka yi awan gaba da su daga jihar Hama dake tsakiyar kasar ta Sham.

Wata sanarwa da aka fitar ta shafin yanar gizon hukumar OPCWn a jiya Talata ranar27 ga wata, ta tabbatar da sace rukunin ma'aikatan nata dake aiki a Sham, koda yake dai babu wanda ya rasu sakamakon hakan, kuma su na daf da komawa ofishinsu bayan an sake su.

Ya zuwa yanzu dai ba a tantance da wadanda suka kai farmakin kan ma'aikatan ba.(Zainab)