A yau Laraba 21 ga wata a birnin Shanghai na kasar Sin, kasashen Sin da Rasha sun sa hannu kan wata takardar kara fahimtar juna da wata kwangila kan yadda kasar Rasha za ta sayar wa kasar Sin iskar gas da za a iya sufurinsa ta bututun iskar gas din dake yankunan gabashin kasashen biyu. Shugaban kasar Sin Xi Jinping da takwaransa na Rasha Vladimir Putin sun halarci bikin sa hannu kan wadannan muhimman takardu biyu na yin hadin gwiwa a fannin makamashi tsakanin kasashen Sin da Rasha.
Bisa kwangilar da aka kulla yau, kasar Rasha za ta sayar wa kasar Sin iskar gas da yawansa zai kai kubik mita biliyan 38 a kowace shekara tun daga shekarar ta 2018 ta bututun da za a shimfida a yankunan dake gabashin kasashen biyu. (Sanusi Chen)