A kalla mutane 4 ne aka tabbatar da mutuwar su sannan wassu da dama suka jikkata sanadiyar fashewar wassu abubuwa da ake zaton nakiya ne har sau biyu a Nairobi babban birnin kasar Kenya inji 'yan sandar kasar.
Ma'aikatar harkokin cikin gida ta kasar ta tabbatar da adadin wadanda suka mutu tana mai bayanin cewa fashewan farko ya faru ne a cikin wata mota mai daukan mutane 14 sannan na biyu ya auku a tsakiyar kasuwar Gikomba daya daga cikin manyan kasuwannin birnin da yayi suna wajen yawan mutane dake cika domin hada hadar yau da kullum. (Fatimah Jibril)
