Firaminista Li Keqiang na kasar Sin ya isa kasar Habasha a yau Lahadi, domin fara ziyarar aiki da ake fatan za ta bunkasa dangantaka, da hadin gwiwa tsakanin Sin da kasar ta Habasha.

Yayin ziyararsa a Adis Ababa, helkwatar gwamnatin kasar ta Habasha, Mr. Li zai kuma ziyarci helkwatar kungiyar AU, inda zai gabatar da jawabi mai kunshe da aniyar kasar Sin ta kara fadada dangantakarta da kasashen Afirka. (Saminu Alhassan)