Kakakin rundunar 'yan sandan jihar Lawal Abdullahi, ya shaidawa kamfanin dillancin labarai na kasar Sin Xinhua ta wayar tarho cewa,wasu 'yan bindiga ne a kan babura suka halaka fararen hulan 15 da wani dan sanda guda 1.
Jami'in ya ce, 'yan bindigan sun yiwa kauyukan Tungar Rakumi,Mallamawa da kuma Kangarawa kawanya ne a daren ranar Asabar,kana suka kashe mutane 12 a kauyen Tungar Rakumi kadai,yayin da suka halaka sauran mutanen a kauyukan Mallamawa da kuma Kangarawa.
Abdullahi ya ce,maharan wadanda ke dauke da bindiga kirar AK 47,ana zaton sun kai hare-haren ne domin mayar da martani kan kashe wasu nutane 3 da ake zargi da satar shanu a makon da ya gabata.(Ibrahim)
