Rahotanni daga kasar Madagascar na cewa, a ranar Jumma'a ne aka fara zagaye na biyu na zaben shugaban kasar, inda ake fatan sabon shugaban da za a zaba, zai fitar da kasar da ta shafe shekaru biyar tana fama da rikicin siyasa.

Shugabar hukumar zaben kasar mai zaman kanta(CENI-T) Atallah Beatrice, ta shaida wa wakilin kamfanin dillancin labarai na Xinhua yayin da take duba yadda zaben ke gudana a rumfar zabe ta Alarobia cewa, an fara zaben a baki dayan rumfunan zaben kasar 20,001 yadda ya kamata.

Ta bayyana cewa, tun daga karfe 5 na safe agogon wurin wasu rumfunan zabe suka bude wato sa'a guda kafin lokacin bude rumfunan a hukumance.

A wannan rana ne kuma ake gudanar da zabukan 'yan majalisun dokokin kasar. (Ibrahim)