Kakakin ma'aikatar harkokin ciniki ta kasar Sin Shen Danyang ya bayyana a gun taron manema labaru da aka gudanar a yau Talata 19 ga wata cewa, za a sa kaimi kan daidaita dokoki game da zuba jari a cikin gida da waje, da tabbatar da aiwatar da manufofin yin amfani da jarin waje yadda ya kamata, da kuma kafa tsarin zuba jari cikin adalci.

Shen Danyang ya bayyana cewa, za a sa kaimi ga bude kofa a fannonin hada-hadar kudi, bada ilmi, kiwon lafiya da sauransu, kana za a sassauta kayyadewar da aka yiwa shirin zuba jari da kasashen waje suka yi a fannonin samara da karfe, sarrafa sinadarai da dai sauransu.

Ban da wannan kuma, Shen Danyang ya nuna cewa, kasar Sin za ta bukaci kamfanonin kasa da kasa da su kafa cibiyoyin nazari da sayen kayayyaki a kasar Sin. (Zainab)