Yawan mutuwar mutane ya karu zuwa 110 a sakamakon babbar girgizar kasa a Philippine
An samu girgizar kasa mai karfi maki 7.2 bisa ma'aunin Richter a ran 15 ga wata da safe a tsibirin Bohol da ke tsakiyar kasar Philippine, ya zuwa ran 16 da dare, girgirzar kasar ta yi sanadiyyar mutuwar mutane 110.
Lardunan Cebu da Bohol sun fi fuskantar wannan bala'I mai tsanani. Gwamnatin Philippine ta bayyana a ran 15 ga wata cewa, a halin yanzu masu aikin ceto suna kokarin shiga yankunan da suke fi gamuwa da bala'in da ke tsibirin Bohol. Bala'in ya lalata hanyoyi da gadoji, kuma ya katse wutar lantarki, jiragen sama masu saukar ungulu sun dakatar da aikin dalilin mugun yanayi, lamarin dake kawo fargabar kara samun yawan mutuwar mutane. Bangaren soja na Philippine ya bayyana cewa, yanzu ana kirawo sojoji dake cikin lifi domin tinkarar wannan girgizar kasa.
