Kakakin ma'aikatar harkokin waje ta kasar Sin Hong Lei ya bayyana a gun taron manema labaru da aka gudanar a yau Litinin 23 ga wata cewa, kasar Sin ta yi murna da nasarar da jam'iyyar CDU/CSU dake karkashin jagorancin shugabar gwamnatin kasar Angela Merkel ta cimma a zaben majalisar dokokin kasar Jamus.

Ban da wannan kuma, Hong Lei ya ce, kasashen Sin da Jamus abokai ne bisa manyan tsare-tsare, kara yin hadin gwiwa a tsakaninsu ya dace da moriyar kasashen biyu. Kasar Sin tana son kara yin hadin gwiwa tare da sabuwar gwamnatin kasar Jamus wajen inganta dangantakarsu zuwa wani sabon matsayi. (Zainab)