A ranar Jumma'a 23 ga wata, kwamitin sulhu na MDD ya kira wani taro kan batun kasashen Sudan da Sudan ta Kudu, inda aka gabatar da sanarwar kira ga kasashen biyu da su ci gaba da gudanar da shawarwari tsakaninsu, a kokarin tabbatar da ci gaban safarar danyan man fetur daga kasar Sudan ta Kudu.

Taron ya kuma amince da bukatar kira ga mahukuntan kasar Sudan, da kada su sanya takunkumin hana safarar man makwafciyarta Sudan ta Kudu, tare da amincewa da gudanar da ayyukan da abin ya shafa yadda ya kamata.

Dadin dadawa, kwamitin sulhu ya yi kira ga bangarorin da abin ya shafa, da kada su yi amfani da karfi kan fararen hula, ya kuma kamata su ba da damar shigar masu aikin ceto, da kuma kayayyakin agaji yadda ya kamata, a kokarin da ake yi na taimakawa fararen hula a sassan kasashen biyu.(Fatima)