A ranar Jumma'a 23 ga wata, ma'aikatar kudi da ta harkokin jama'ar kasar Sin sun bai wa jihohin da bala'in ambaliyar ruwa ya aukawa agaji kudi da yawansu ya kai yuan miliyan 580. Jahohin da suka samu wannan agaji sun hada da Liaoning, da Jilin, da Heilongjiang, da Guangdong, da kuma jihar Guangxi.

Bayanai sun nuna cewa za a yi amfani da kudaden ne wajen tsugunar da mutanen da suka rasa gidajensu sakamakon wannan bala'in, da ciyar da su, da gyara masu gidajensu da suka lalace, da kuma jajantawa iyalan wadanda suka mutu a sakamakon abkuwar lamarin, duka dai a kokarin tabbatar da jin dadin rayuwar jama'a yadda ya kamata.(Fatima)