Bisa labarin da aka bayar a kwanakin baya, an ce, a shekaru 10 masu zuwa, kasar Qatar za ta zuba jarin da ya kai kudin Euro biliyan 156, wajen gina kayan more rayuwa, don shirya gasar cin kofin kwallon kafa ta duniya a shekarar 2022.

An ce, ban da filayen wasanni da sauran na'urorin wasanni, kasar Qatar za ta samar da kudin Euro biliyan 110 a shekaru 5 masu zuwa, wajen samarda ababen sufuri, ciki har da jiragen karkashin kasa, filayen jiragen sama, da kuma hanyoyin motoci. Ban da wannan kuma, za a yi amfani da kudin Euro biliyan 15 wajen sha'anin otel-otel.

Gasar cin kofin kwallon kafa na duniya ta shekarar 2022 da za a gudanar a kasar Qatar, za ta zama karo na farko da za a gudanar da wannan gasa mafi samun karbuwa a fadin duniya a wannan yanki. (Zainab)