Bisa labarin da aka bayar, an ce, Edward Snowden mai fallasa bayanan asiri na kasar Amurka ya zauna a filin jiragen sama na kasar Rasha har tsawon kimanin mako guda. A halin yanzu, Snowden ya gabatar da rokonsa na shiga kasar Ecuador, amma kasar ta bayyana cewa, za ta yi nazari kan hakan. Amma hannu guda kuma kasar Venezuela ta bayyana cewa, idan Snowden ya mika rokon shiga kasar yankinta, za ta yi la'akari da bukatar tasa.
Bisa labarin da kafofin watsa labaru na kasar Rasha suka bayar, an ce, a halin yanzu, Rasha ba za ta mika Snowden ga mahukuntan kasar Amurka ba, kana ba za ta amince ya bar Rashan cikin hanzari ba. (Zainab)
