A cikin wata sanarwar da ta fito daga rundunar tsaron, an ce sojoji ne suka kame wadannan 'yan tsageran a ranar Alhamis bayan da suka samu wani bayani cikin sirri inda aka fallasa maboyar su a wani kauye kuma a boye aka bi sahun wassu daga cikin 'yan tsageran da suke tafiya a wani mota kirar Jeep da suka sata don neman abinci inda nan take aka damke su.
An samu makamai masu dimbin yawa da harsasai lokacin da aka kame wadannan 'yan tsageran wanda a ciki akwai ababen fashewa pakiti 7, bindigogin harba roka guda biyu, abin tada bam, kananan bindigogi da manya.
Lokacin da aka kai masu samamen an lura cewa har sun fara gina wassu sansanin, inji sanarwar.(Fatimah Jibril)
